Chetvā avijjaṁ vijjāya, āsavānaṁ parikkhayā; Asokaṁ anupāyāsaṁ, kasmā pabbajitaṁ tape. Āraddhavīriyaṁ pahitattaṁ, Niccaṁ daḷhaparakkamaṁ; Nibbānaṁ abhikaṅkhantaṁ, Kasmā pabbajitaṁ tape”ti.

1. Vanavagga

Kassapagottasutta Ekaṁ samayaṁ āyasmā kassapagotto kosalesu viharati aññatarasmiṁ vanasaṇḍe. Tena kho pana samayena āyasmā kassapagotto divāvihāragato aññataraṁ chetaṁ ovadati. Atha kho yā tasmiṁ vanasaṇḍe adhivatthā devatā āyasmantaṁ kassapagottaṁ saṁvejetukāmā yenāyasmā kassapagotto tenupasaṅkami; upasaṅkamitvā āyasmantaṁ kassapagottaṁ gāthāhi ajjhabhāsi: “Giriduggacaraṁ chetaṁ, appapaññaṁ acetasaṁ; Akāle ovadaṁ bhikkhu, mandova paṭibhāti maṁ. Suṇāti na vijānāti, Āloketi na passati; Dhammasmiṁ bhaññamānasmiṁ, Atthaṁ bālo na bujjhati. Sacepi dasa pajjote, dhārayissasi kassapa; Neva dakkhati rūpāni, cakkhu hissa na vijjatī”ti. Atha kho āyasmā kassapagotto tāya devatāya saṁvejito saṁvegamāpādīti.

1. Vanavagga

Sambahulasutta