“Yesaṁ dhammā susammuṭṭhā, paravādesu nīyare; Suttā te nappabujjhanti, kālo tesaṁ pabujjhitun”ti. “Yesaṁ dhammā asammuṭṭhā, paravādesu na nīyare; Te sambuddhā sammadaññā, caranti visame saman”ti.

1. Naḷavagga

Mānakāmasutta Sāvatthinidānaṁ. Ekamantaṁ ṭhitā kho sā devatā bhagavato santike imaṁ gāthaṁ abhāsi: “Na mānakāmassa damo idhatthi, Na monamatthi asamāhitassa; Eko araññe viharaṁ pamatto, Na maccudheyyassa tareyya pāran”ti. “Mānaṁ pahāya susamāhitatto, Sucetaso sabbadhi vippamutto; Eko araññe viharaṁ appamatto, Sa maccudheyyassa tareyya pāran”ti.

1. Naḷavagga

Araññasutta Sāvatthinidānaṁ. Ekamantaṁ ṭhitā kho sā devatā bhagavantaṁ gāthāya ajjhabhāsi: