ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อิตฺถํ สุทํ อายสฺมา ปิยาลผลทายโก เถโร อิมา คาถาโย อภาสิตฺถาติ ฯ

ปิยาลผลทายกตฺเถรสฺส อปทานํ สมตฺตํ ฯ

อุทฺทานํ

กึกณิ ปํสุกูลญฺจ วรโกรณฺฑกึสุกํ

อุปฑฺฒทุสฺสิ ฆตโท อุทกํ ถูปการโก ฯ

นฬาคาริ จ นวโม ปิยาลผลทายโก

สตเมกญฺจ คาถานํ นวกญฺจ ตทุตฺตริ ฯ

กึกณิปุปฺผวคฺโค ปญฺญาสโม ฯ

อถ วคฺคุทฺทานํ

เมตฺเตยฺยวคฺโค ภทฺทาลิ สกึสมฺมชฺชโกปิจ

เอกวิหารี วิเภทโก ชคติ สาลปุปฺผิโย ฯ

นฬมาลิ ปํสุกูลํ กีกณิปุปฺผิโก ตถา

อสีติ เทฺว จ คาถาโย จตุทฺทสา สตานิ จ ฯ

เมตฺเตยฺยวคฺคทสกํ ปญฺจมํ สตกํ สมตฺตํ ฯ

_______________________