ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อิตฺถํ สุทํ ภทฺทกาปิลานี ภิกฺขุนี อิมา คาถาโย อภาสิตฺถาติ ฯ

ภทฺทกาปิลานีเถริยา อปทานํ สมตฺตํ ฯ

อฏฺฐมํ ยโสธราเถริยาปทานํ (๒๘)

[๑]

[๑๖๘] ปุรกฺขตา ภิกฺขุนีหิ สเตหิ สหสฺเสหิ สา ๒

มหิทฺธิกา มหาปญฺญา สมฺพุทฺธํ อุปสงฺกมึ ฯ

สมฺพุทฺธํ อภิวาเทตฺวา สตฺถุโน จกฺกลกฺขเณ

นิสินฺนา เอกมนฺตมฺหิ อิทํ วจนมพฺรวึ ฯ

อฏฺฐสตฺตติวสฺสาหํ ปจฺฉิมา ๓ วตฺตยิ วยา

ปพฺภารมฺหิ อนุปฺปตฺตา อาโรเจมิ มหามุนึ ฯ

ปริปกฺโก วโย มยฺหํ ปริตฺตํ มม ๔ ชีวิตํ

ปหาย โว คมิสฺสามิ กตํ เม สรณมตฺตโน ฯ

วยมฺหิ ๕ ปจฺฉิเม กาเล มรณํ อุปรุทฺธติ

อชฺช รตฺตึ มหาวีร ปาปุณิสฺสามิ นิพฺพุตึ ฯ

นตฺถิ ชาติ ชรา พฺยาธิ มรณญฺจ มหามุเน

อชรามราภยปุรํ ๖ คมิสฺสามิ อสงฺขตํ ฯ

ยาวตา ปริสา นาม สมุปาสนฺติ ๗ สตฺถุโน

อปราธํ ปชานนฺติ ขมนฺตํ สมฺมุขา มุเน ฯ #๑ ม. เอกสฺมึ สมเย รมฺเม ฯเปฯ นิกฺขมิตฺวา สกสฺสมา ฯ #๒ ยุ. สห ปญฺจหิ ฯ ๓ ม. ปจฺฉิโม วตฺตเต วโย ฯ ยุ. ปจฺฉิโม วตฺตติ วโย ฯ #๔ ยุ. อล ฯ ๕ ยุ. วโย จ ฯ ๖ ม. ยุ. อชรามรณํ ปูรํ ฯ ๗ ยุ. สมุปายาติ ฯ