10. Ānisaṁsavagga
Pātubhāvasutta “Channaṁ, bhikkhave, pātubhāvo dullabho lokasmiṁ. Katamesaṁ channaṁ? Tathāgatassa arahato sammāsambuddhassa pātubhāvo dullabho lokasmiṁ, tathāgatappaveditassa dhammavinayassa desetā puggalo dullabho lokasmiṁ, ariyāyatane paccājāti dullabhā lokasmiṁ, indriyānaṁ avekallatā dullabhā lokasmiṁ, ajaḷatā aneḷamūgatā dullabhā lokasmiṁ, kusale dhamme chando dullabho lokasmiṁ. Imesaṁ kho, bhikkhave, channaṁ pātubhāvo dullabho lokasmin”ti. Paṭhamaṁ.
10. Ānisaṁsavagga
Ānisaṁsasutta “Chayime, bhikkhave, ānisaṁsā sotāpattiphalasacchikiriyāya. Katame cha? Saddhammaniyato hoti, aparihānadhammo hoti, pariyantakatassa dukkhaṁ hoti, asādhāraṇena ñāṇena samannāgato hoti, hetu cassa sudiṭṭho, hetusamuppannā ca dhammā. Ime kho, bhikkhave, cha ānisaṁsā sotāpattiphalasacchikiriyāyā”ti. Dutiyaṁ.
10. Ānisaṁsavagga
Aniccasutta