รถิยาย วชนฺตี ๑ ตํ ทิสฺวา สทฺธา อุปาสิกา

ฆรา นิกฺขมฺม ปาเทสุ นิปจฺจ อิทมพฺรวว ฯ

ปสีทสฺสุ มหาโภเค อนาถาโย วิหาย โน

ตยา น ยุตฺตํ ๒ นิพฺพาตุํ อิจฺฉฏฺฏา วิลปึสุ ตา ฯ

ตาสํ โสกปหานตฺถํ อโวจ มธุรํ คิรํ

รุทิเตน อลํ ปุตฺตา หาสกาโลยมชฺช โว ฯ

ปริญฺญาตํ มยา ทุกฺขํ ทุกฺขเหตุ วิวชฺชิโต

นิโรโธ เม สจฺฉิกโต มคฺโค จาปิ สุภาวิโต ฯ

ปฐมํ ภาณวารํ ฯ

ปริจิณฺโณ มยา สตฺถา กตํ พุทฺธสฺส สาสนํ

โอหิโต ครุโก ภาโร ภวเนตฺติ สมูหตา ฯ

ยสฺสตฺถาย ปพฺพชิตา อคารสฺมา อนคาริยํ

โส เม อตฺโถ อนุปฺปตฺโต สพฺพสํโยชนกฺขโย ฯ

พุทฺโธ ตสฺส จ สทฺธมฺโม อนูโน ยาว ติฏฺฐติ

นิพฺพาตุํ ตาว กาโล เม มา มํ โสจถ ปุตฺติกา ฯ

โกณฺฑญฺญานนฺทนนฺทาทิ ติฏฺฐนฺติ ราหุโล ชิโน

สุขิโต สหิโต สงฺโฆ หตทปฺปาว ๓ ติตฺถิยา ฯ

โอกฺกากวํสสฺส ยโส อุสฺสิโต มารมทฺทโน

นนุ สมฺปตฺติกาโล เม นิพฺพานตฺถาย ปุตฺติกา ฯ #๑ ม. ยุ. วชนฺติโย ฯ ๒ ม. น ยุตฺตา ฯ ๓ ม. ... จ ฯ