เตหิ กมฺเมหิ สุกเตหิ เจตนาปณิธีหิ จ

ชหิตฺวา มานุสํ เทหํ ตาวตึสํ อคญฺฉหํ ฯ

ตโต จุตา มนุสฺเสสุ อุปปนฺนา มหากุเล

ปีตมฏฺฐวรํ ทุสฺสํ อทํ อรหโต อหํ ฯ

ตโต จุตา อริฏฺฐปุเร ชาตา วิปฺปกุเล อหํ

ธีตา ติริฏิวจฺฉสฺส อุมฺมาทนฺตี มโนหรา ฯ

ตโต จุตา ชนปเท กุเล อญฺญตเร อหํ

ปสุตา นาติผีตมฺหิ สาลึ โคเปมหนฺตทา ฯ

ทิสฺวา ปจฺเจกสมฺพุทฺธํ ปญฺจลาชสตานหํ

ทตฺวา ปทุมฉนฺนานิ ปญฺจ ปุตฺตสตานิปิ ๑ ฯ

ปตฺถยึ เตสุ ปุตฺเตสุ ๒ มธธ ทตฺวา สยมฺภุโน

ตโต จุตา อรญฺเญหํ อชายึ ปทุโมทเร ฯ

กาสิรญฺโญ มเหสีหํ หุตฺวา สกฺกตปูชิตา

อชนึ ราชปุตฺตานํ อนูนํ สตปญฺจกํ ฯ

ยทา เต โยพฺพนปฺปตฺตา กีฬนฺตา ชลกีฬิตํ

ทิสฺวาน โอปตฺตปทุมํ อาสุํ ปจฺเจกนายกา ฯm

สาหํ เตหิ วินาภูตา สุตวเรหิ ๓ โสกินี

จุตา อิสิคิลิปสฺเส คามกมฺหิ อชายิหํ ฯ

ยทา พุทฺธาสุตมติ สุตานํ อตฺตโนปิจ ๔

ยาคุํ อาทาย คจฺฉนฺติ อฏฺฐ ปจฺเจกนายเก ฯ #๑ ม. ยุ. ปุตฺตสตานิหํ ฯ ๒ ม. ปตฺถยึ เตปิ ปตฺเถสุํ ฯ ยุ. ปตฺถยึ เตสุ ปตฺเถสุ ฯ #๓ ม. ยุ. สุตวีเรหิ ฯ ๔ ม. สุตานํ สตฺถุโนปิจ ฯ ยุ. สุตาน กสกํ ตทา ฯ