ภิกฺขาย คามํ คจฺฉนฺเต ทิสฺวา ปุตฺเต อนุสฺสรึ
ขีรธารา วินิคฺคญฺฉิ ตทา เม ปุตฺตเปมสา ฯ
ตโต เตสํ อทํ ยาคุํ ปสนฺนา เสหิ ปาณิภิ
ตโต จุตาหํ ติทสํ นนฺทนํ อุปปชฺชหํ ฯ
อนุโภตฺวา สุขทุกฺขํ สํสริตฺวา ภวาภเว
ตวตฺถาย มหาวีร ปริจฺจตฺตญฺจ ชีวิตํ ฯ
เอวํ พหุวิธํ ทุกฺขํ สมฺปตฺตี จ พหูวิธา
ปจฺฉิเม ภวสมฺปตฺเต ชาตา สาวตฺถิยํ ปุเร ฯ
มหทฺธเน เสฏฺฐิกุเล สุขิเต สชฺชิเต ตถา
นานารตนปชฺโชเต สพฺพกามสมิทฺธเน ฯ
สกฺกตปูชิตา เจว มานิตาปจิตา ตถา
รูปสิรึ อนุปฺปตฺตา กุเลสุ อติสกฺกตา ฯ
อตีว ปตฺถิตา จาสึ รูปโภคสิรีหิ จ
ปตฺถิตา เสฏฺฐิปุตฺเตหิ อเนเกหิ สเตหิ จ ฯ
อคารํ ปชหิตฺวาน ปพฺพชึ อนคาริยํ
อฑฺฒมาเส ๑ อสมฺปตฺเต จตุสจฺจํ อปาปุณึ ฯ
อิทฺธิยา อภินิมฺมิตฺวา จตุรสฺสํ รถํ อหํ
พุทฺธสฺส ปาเท อวนฺทึ ๒ โลกนาถสิริมโต ๓ ฯ
สุปุปฺผิตคฺคํ อุปคมฺม ปาทปํ ๔
เอกา ตุวํ ติฏฺฐสิ สาลมูเล
#๑ ม. ยุ. อฏฺฐมาเส ฯ ๒ ม. ยุ. อวนฺทิสฺสํ ฯ ๓ ม. โลกนาถสฺส ตาทิโน ฯ #๔ ยุ. ภิกฺขุนี ฯ