ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อตฺถํ สุทํ อายสฺมา เอกธมฺมสวนิโย เถโร อิมา คาถาโย อภาสิตฺถาติ ฯ

เอกธมฺมสวนิยตฺเถรสฺส อปทานํ สมตฺตํ ฯ

อฏฺฐมํ สุจินฺติตตฺเถราปทานํ (๔๒๘)

[๑๘] นคเร หํสวติยา อโหสึ กสโก ตทา

กสิกมฺเมน ชีวามิ เตน โปเสมิ ทารเก ฯ

สุสมฺปนฺนํ ตทา เขตฺตํ ธญฺญํ เม ผลินํ อหุ

ปากกาเลว สมฺปตฺเต เอวํ จินฺเตสหํ ตทา ฯ

น ๑ เมจฺฉนฺนํ น ปฏิรูปํ ชานนฺตสฺส คุณาคุณํ

โยหํ สงฺเฆ อทตฺวาน อคฺคํ ภุญฺเชยฺยมตฺตนา ๒ ฯ

สมฺพุทฺโธ อสโม โลเก ทฺวตฺตึสวรลกฺขโณ

ตโต จ ภาวิโต สงฺโฆ ปุญฺญกฺเขตฺตํ ๓ อนุตฺตรํ ฯ

ตตฺถ ทสฺสามิหํ ทานํ นวสสฺสํ ปุเร ปุเร

เอวาหํ จินฺตยิตฺวาน หฏฺโฐ ปีติกมานโส ๔ ฯ

เขตฺตโต ธญฺญมาหริตฺวา สมฺพุทฺธํ อุปสงฺกมึ

อุปสงฺกมฺม สมฺพุทฺธํ โลกเชฏฺฐํ นราสภํ ฯ

วนฺทิตฺวา สตฺถุโน ปาเท อิทํ วจนมพฺรวึ

นวสสฺสญฺจ สมฺปนฺนํ อิธ โหสิ จ ตฺวํ ๕ มุเน ฯ #๑ ม. ยุ. นจฺฉนฺนํ ฯ ๒ ม. ภุญฺเชยฺย เจ ตทา ฯ ยุ. ภุญฺเชยฺย มํ ตทา ฯ #๓ ม. ยุ. ปุญฺญกฺเขตโต อนุตฺตโร ฯ ๔ ม. ยุ. ปิณิตมานโส ฯ ๕ ม. อายาโคสิ #โคสิ จ ตุวํ มุเน ฯ ยุ. อายาโยปิ ... ฯ