พฺรหฺมุนา ยาจิโต สนฺโต นารโท โลกนายโก

วตฺตจกฺโก มหาวีโร ธนญฺชุยฺยานมุตฺตเม ฯ

ภทฺทสาโล ชิตมิตฺโต อเหสุํ อคฺคสาวกา

วาเสฏฺโฐ นามุปฏฺฐาโก นารทสฺส มเหสิโน ฯ

อุตฺตรา ผคฺคุนี เจว อเหสุํ อคฺคสาวิกา

โพธิ ตสฺส ภควโต มหาโสโณติ วุจฺจติ ฯ

อุคฺครินฺโท วสโภ จ อเหสุํ อคฺคุปฏฺฐกา

อินฺทวรี ๑ จ คณฺฑี จ อเหสุํ อคฺคุปฏฺฐิกา ฯ

อฏฺฐาสีติรตนานิ อจฺจุคฺคโต มหามุนิ

กญฺจนคฺฆิกสงฺกาโส ทสสหสฺสี วิโรจติ ๒ ฯ

ตสฺส พฺยามปฺปภากาโย ๓ นิทฺธาวติ ทิโสทิสํ

นิรนฺตรํ ทิวา รตฺตึ โยชนํ ผรเต สทา ๔ ฯ

น เกจิ เตน สมเยน สมนฺตา โยชเน ชนา

อุกฺกา ปทีเป อุชฺชเลนฺติ พุทฺธรํสีหิ โอตฺถตา ฯ

นวุติวสฺสสหสฺสานิ อายุ วิชฺชติ ตาวเท

ตาวตา ติฏฺฐมาโน โส ตาเรสิ ชนตํ พหุํ ฯ

ยถา อุฬุภิ คคนํ วิจิตฺตํ อุปโสภติ

ตเถว สาสนํ ตสฺส อรหนฺเตหิ โสภติ ฯ

สํสารโสตํ ตารณาย เสสเก ปฏิปนฺนเก #๑ ม. อินฺทาวรี จ วณฺฑี จ ฯ ยุ. อินฺทาวรี จ จณฺฑี จ ฯ ๒ ยุ. วิโรจถ ฯ #๓ ม. ยุ. ... กายา ฯ ๔ ยุ. ทิสา ฯ