ตติยํ มหากปฺปินตฺเถราปทานํ (๕๓๓)

[๑๒๓] ปทุมุตฺตโร นาม ชิโน สพฺพธมฺมาน ปารคู

อุทิโต อชตากาเส ๑ รวิว สรทมฺพเร ฯ

วจนาภาย โพเธติ เวเนยฺยปทุมานิ โส

กิเลสปงฺกํ โสเสติ มติรํสีหิ นายโก ฯ

ติตฺถิยานํ ยเส ๒ หนฺติ วชิรตา ๓ ยถา รวิ

สพฺพตฺถ ๔ สมฺปกาเสติ รตฺตินฺทิวํ ๕ ทิวากโร ฯ

คุณานํ อายติภูโต รตนานํว สาคโร

ปชุนฺโนริว ๖ ภูตานํ ธมฺมเมเฆน วสฺสติ ฯ

อกฺขทสฺโส ตทา อาสึ นคเร หํสสวฺหเย

อุเปจฺจ ธมฺมมสฺโสสึ ชลชุตฺตมนามิโน ฯ

โอวาทกสฺส ภิกฺขูนํ สาวกสฺส สตาวิโน ๗

คุณํ ปกาสยนฺตสฺส หาสยนฺตสฺส ๘ เม มนํ ฯ

สุตฺวา ปีติโต ๙ สุมโน นิมนฺเตตฺวา ตถาคตํ

สสิสฺสํ โภชยิตฺวาน ตณฺฐานํ อภิปตฺถยึ ฯ

ตทา หํสสมภาโค หํสทุนฺทุภินิสฺสโน ๑๐

ปสฺสเถตํ มหามตฺตํ วินิจฺฉยวิสารทํ ฯ

มม ปาทมูเล ปติตํ สมุทฺธคฺคตนุรุหํ ๑๑

ชูมุตฺตวณฺณํ ๑๒ รุจิรํ ปสนฺนยนานนํ ฯ #๑ ยุ. ชรทากาเส ฯ ๒ ม. ยุ. ยโส ฯ ๓ ยุ. ขชฺโชตาภา ฯ ๔ ม. สจฺจตฺถาภํ ฯ #๕ ม. ยุ. รตนํ ว ฯ ๖ ยุ. ปชุนฺโนปิว ภูตานิ ฯ ๗ ม. ยุ. กตาวิโน ฯ ๘ ม.ช #ตปฺปยนฺตสฺส ฯ ยุ. วาสยนฺตสฺส ฯ ๙ ม. ยุ. ปตีโต ฯ ๑๐ ยุ. ...นีวโจ ฯ #๑๑ ม. ยุ. สมุคฺคตตนูรุหํ ฯ ๑๒ ม. ยุ. ชิมูตวณฺณํ ปิณํสํ ฯ