ปริวาเรน มหตา ราชยุตฺตํ มหายสํ

เอโส กถาวิโน ฐานํ ปตฺเถติ มุทิตาย ๑ โส ฯ

อิมินา ปิณฺฑปาเตน จาเคน ปณิธีหิ จ

กปฺปสตสหสฺสานิ นุปปชฺชติ ทุคฺคตึ ฯ

เทเวสุ เทวโสภาคฺยํ มนุสฺเสสุ มหคฺคตํ

อนุโภตฺวาวเสเสน นิพฺพานํ ปาปุณิสฺสติ ฯ

สตสหสฺเส อิโต กปฺเป โอกฺกากกุลสมฺภโว

โคตโม นาม นาเมน สตฺถา โลเก ภวิสฺสติ ฯ

ตสฺส ธมฺเมสุ ทายาโท โอรโส ธมฺมนิมฺมิโต

กปฺปิโน นาม นาเมน เหสฺสติ สตฺถุสาวโก ฯ

ตโตหํ สุกตํ การํ กตฺวาน ชินสาสเน

ชหิตฺวา มานุสํ เทหํ ตุสิตํ อคมาสหํ ฯ

เทวมนุสฺสรชฺชานิ สุตฺตโส อนุสาสิย

พาราณสีสมาสนฺเน ชาโต เกณิยชาติยา ฯ

สตสหสฺสปริวาโร สปชาปติโก อหํ

ปญฺจปจฺเจกพุทฺธานํ สตานิ สมุปฏฺฐหึ ฯ

เตมาสํ โภชยิตฺวาน อจฺฉาทมฺปิ ๒ ติจีวรํ

ตโต จุตา มยํ สพฺเพ อหุมฺห ติทสูปคา ฯ

ปุโน สพฺเพ มนุสฺสตฺตํ อาคตมฺห ตโต จุตา

กุกฺกุฏมฺหิ ปุเร ชาตา หิมวนฺตสฺส ปสฺสโต ฯ #๑ ม. มุทิตาสโย ฯ ๒ โป. อจฺฉาทิมฺหิ ฯ ม. ปจฺฉาทมฺห ฯ ยุ. ปจฺฉาทมฺมิ ฯ