อุโภ มาตา ปิตา มยฺหํ ภคินี [๑] สตฺต ภาตโร
อมิตํ ธนํ ฉฑฺฑยิตฺวา ปาวิสิมฺหา มหาวนนฺติ ฯ
ภึสจริยํ จตุตฺถํ ฯ
ปญฺจมํ โสณนนฺทปณฺฑิตจริยํ
[๒๕] ปุนาปรํ ยทา โหมิ นคเร พฺรหฺมวทฺธเน
ตตฺถ กุลวเร เสฏฺเฐ มหาสาเล อชายิหํ ฯ
ตทาสึ ๒ โลกํ ทิสฺวาน อนฺธภูตํ ๓ ตโมตฺถตํ
จิตฺตํ ภวโต ปฏิกุฏติ ตุตฺตเวคหตํ วิย ฯ
ทิสฺวาน วิวิธํ ปาปํ เอวํ จินฺเตสหํ ตทา
กทาหํ เคหา นิกฺขมฺม ปวิสิสฺสามิ กานนํ ฯ
ตทาปิ มํ นิมนฺตึสุ กามโภเคหิ ญาตโย
เตสํปิ ฉนฺทมาจิกฺขึ มา นิมนฺเตถ เตหิ มํ ฯ
โย เม กนิฏฺฐโก ภาตา นนฺโท นามาสิ ปณฺฑิโต
โสปิ มํ อนุสิกฺขนฺโต ปพฺพชฺชํ สมโรจสิ ๔ ฯ
อหํ โสโณ จ นนฺโท จ อุโภ มาตา ปิตา มม
ตทาปิ โภเค ฉฑฺเฑตฺวา ปาวิสิมฺหา มหาวนนฺติ ฯ
โสณนนฺทปณฺฑิตจริยํ ปญฺจมํ ฯ
#๑ ม. ยุ. จ ฯ ๒ ม. ยุ. ตทาปิ ฯ ๓ ม. อนฺธีภูตํ ฯ ๔ ม. ยุ. สมโรจยิ ฯ