<b>Kismiṁ vibhūte na phusanti phassā</b>ti. Kismiṁ vibhūte vibhavite atikkante samatikkante vītivatte phassā na phusantīti— kismiṁ vibhūte na phusanti phassā. Tenāha so nimmito— “Phasso nu lokasmiṁ kutonidāno, Pariggahā cāpi kutopahūtā; Kismiṁ asante na mamattamatthi, Kismiṁ vibhūte na phusanti phassā”ti. <b>Nāmañca rūpañca paṭicca phasso,</b> <b>Icchānidānāni pariggahāni;</b> <b>Icchāyasantyā na mamattamatthi,</b> <b>Rūpe vibhūte na phusanti phassā.</b>