[๓๖๙] ตสฺมา ขเณ นาติกฺขเณ อติกฺขาตมฺหิ ปาปกํ
ขณเนน ๑ ธนํ ลทฺธํ อติกฺขาเตน นาสิตนฺติ ฯ
ชรูทปานชาตกํ ฉฏฺฐํ ฯ
___________
๗ คามณิจนฺทชาตกํ
[๓๗๐] นายํ ฆรานํ กุสโล โลโล อยํ วลีมุโข
กตํ กตํ โข ปทูเสยฺย เอวํธมฺมมิทํ กุลํ ฯ
[๓๗๑] นยิทํ จิตฺตวโต โลมํ นายํ อสฺสาสิโก มิโค
สตฺถํ ๒ เม ชนสนฺเธน นายํ กิญฺจิ วิชานติ ฯ
[๓๗๒] น มาตรํ ปิตรํ วา ภาตรํ ภคินึ สกํ
ภเรยฺย ตาทิโส โปโส สิฏฺฐํ ๓ ทสรเถน เมติ ฯ
คามณิจนฺทชาตกํ สตฺตมํ ฯ
___________
๘ มนฺธาตุราชชาตกํ
[๓๗๓] ยาวตา จนฺทิมสุริยา (ปริหรนฺติ) ทิสา ภนฺติ วิโรจนา
สพฺเพว ทาสา มนฺธาตุ เย ปาณา ปฐวิสฺสิตา ฯ
[๓๗๔] น กหาปณวสฺเสน ติตฺติ กาเมสุ วิชฺชติ
อปฺปสฺสาทา ทุขา กามา อิติ วิญฺญาย ปณฺฑิโต ฯ
[๓๗๕] อปิ ทิพฺเพสุ กาเมสุ รตึ โส นาธิคจฺฉติ #๑ ม. ขาเตน จ ฯ ๒ ม. สิฏฺฐํ ฯ ๓ สี. สตฺถํ ฯ