๒ สีลวีมํสชาตกํ
[๗๕๘] สีลํ เสยฺโย สุตํ เสยฺโย อิติ เม สํสโย อหุ
สีลเมว สุตา เสยฺโย อิติ เม นตฺถิ สํสโย ฯ
[๗๕๙] โมฆา ชาติ จ วณฺโณ จ สีลเมว กิรุตฺตมํ
สีเลน อนุเปตสฺส สุเตนตฺโถ น วิชฺชติ ฯ
[๗๖๐] ขตฺติโย จ อธมฺมฏฺโฐ เวสฺโส จาธมฺมนิสฺสิโต
เต ปริจฺจชฺชุโภ โลเก อุปปชฺชนฺติ ทุคฺคตึ ฯ
[๗๖๑] ขตฺติยา พฺราหฺมณา เวสฺสา สุทฺทา จณฺฑาลปุกฺกุสา
อิธ ธมฺมํ จริตฺวาน ภวนฺติ ติทิเว สมา ฯ
[๗๖๒] น เวทา สมฺปรายาย น ชาติ นปิ ๑ พนฺธวา
สกญฺจ สีลสํสุทฺธํ สมฺปรายสุขาวหนฺติ ๒ ฯ
สีลวีมํสชาตกํ ทุติยํ ฯ
___________
๓ หิริชาตกํ
[๗๖๓] หิรินฺตรนฺตํ วิชิคุจฺฉมานํ
ตวาหมสฺมิ อิติ ภาสมานํ
เสยฺยานิ กมฺมานิ อนาทิยนฺตํ
เนโส มมนฺติ อิติ นํ วิชญฺญา ฯ
[๗๖๔] ยญฺหิ กยิรา ตญฺหิ วเท ยํ น กยิรา น ตํ วเท #๑ ม. นาปิ ฯ ยุ. โนปิ ฯ ๒ สี. ม. สมฺปรายสุขาย จ ฯ