กตํ นุโข สาขมิคํ ทกฺขาม ๑
นิทฺธาปิตํ ๒ ราชกุลโตว ชมฺมํ ฯ
[๖๑๗] จาเลติ กณฺณํ ภกุฏึ กโรติ
มุหุํ มุหุํ ภายเต ๓ กุมาเร
สยเมว ตํ กาหติ กาฬพาหุ
เยนารกา ฐสฺสติ อนฺนปานาติ ฯ
กาฬพาหุชาตกํ นวมํ ฯ
____________
๑๐ สีลวีมํสชาตกํ
[๖๑๘] สีลํ กิเรว กลฺยาณํ สีลํ โลเก อนุตฺตรํ
ปสฺส โฆรวิโส นาโค สีลวาติ น หญฺญติ ฯ
[๖๑๙] ยาวเทวสฺสหู กิญฺจิ ตาวเทว อขาทิสุํ
สงฺคมฺม กุลลา โลเก น หึสนฺติ อกิญฺจนํ ฯ
[๖๒๐] สุขํ นิราสา สุปติ อาสา ผลวตี สุขา
อาสํ นิราสํ กตฺวาน สุขํ สุปติ ปิงฺคลา ฯ
[๖๒๑] น สมาธิปโร อตฺถิ อสฺมึ โลเก ปรมฺหิ จ
น ปรํ นาปิ อตฺตานํ วิหึสติ สมาหิโตติ ฯ
สีลวีมํสชาตกํ ทสมํ ฯ
กุฏิทูสกวคฺโค ตติโย ฯ
#๑ ม. ทกฺขิสาม ฯ ๒ สี. ยุ. นิพฺพาปิตํ ฯ ม. นิทฺธาวิตํ ฯ ๓ สี. ภาสยเต ฯ # ม. ภายยเต ฯ