ลุทฺเทน นาเคน มนุสฺสกปฺปา

อโมจยี ตฺวํ พลสา ปสยฺห

ตนฺเต ปุราณํ วตสีลวตฺตํ

สุตฺตปฺปพุทฺโธว อนุสฺสรามิ ฯ

[๑๐๔๑] กปฺโป จ เต ปตฺถจโร อโหสึ ๑

สมฺพุทฺธิวนฺตํ วติตํ ๒ อมญฺญํ

ตนฺเต ปุราณํ วตสีลวตฺตํ

สุตฺตปฺปพุทฺโธว อนุสฺสรามิ ฯ

[๑๐๔๒] อทฺธา ปชานาสิ มเมตมายุํ

อญฺญํปิ ชานาสิ ตถาหิ พุทฺโธ

ตถาหิ ตายํ ชลิตานุภาโว

โอภาสยํ ติฏฺฐติ พฺรหฺมโลกนฺติ ฯ

พกพฺรหฺมชาตกํ ทสมํ ฯ

กุกฺกุวคฺโค ปฐโม ฯ

___________

ตสฺสุทฺทานํ

วรกณฺณิก จาปวโร สุตโน

อถ คิชฺฌ สโรหิตมจฺฉวโร

ปุน ทสณฺณก ๓ เสนก ยาจนโก

อถ เวรี สพฺรหฺมพเกน ทส ฯ

#๑ ม. พทฺธจโร อโหสิ ฯ ๒ ม. สมฺพุทฺธิมนฺตํ วตินํ ฯ ๓ ม. ปณฺณก ฯ