สกฺกจฺจนฺเต นมสฺสามิ ปาเท วนฺทามิ ตาทินํ ฯ
[๑๕๘๑] เต มํ ธมฺมคุเณ ยุตฺตํ สุสฺสูสมนุสฺสุยฺยกํ
สมณา สมนุสฺสาสนฺติ อิสิธมฺมคุเณ รตา ฯ
[๑๕๘๒] เตสาหํ วจนํ สุตฺวา สมณานํ มเหสินํ
น กิญฺจิ อติมญฺญามิ ธมฺเม เม นิรโต มโน ฯ
[๑๕๘๓] หตฺถาโรหา อณีกฏฺฐา รถิกา ปตฺติการกา
เตสํ ๑ นปฺปฏิพนฺธามิ นิวิฏฺฐํ ๒ ภตฺตเวตฺตนํ ฯ
[๑๕๘๔] มหามตฺตา จ เม อตฺถิ มนฺติโน ปริจาริกา
พาราณสึ โวหรนฺติ พหุมํสํ สุโรทกํ ฯ
[๑๕๘๕] อโถปิ วาณิชา ผีตา นานารฏฺเฐหิ อาคตา
เตสุ เม วิหิตา รกฺขา เอวํ ชานาหุโปสถ ฯ
[๑๕๘๖] ธมฺเมน กิร ญาตีนํ รชฺชํ กาเรหิ สํวร
เมธาวี ปณฺฑิโต จาสิ ๓ อโถปิ ญาตีนํ หิโต ฯ
[๑๕๘๗] ตํตํ ญาติปริพฺยุฬฺหํ นานารตนโมจิตํ
อมิตฺตา นปฺปสหนฺติ อินฺทํว อสุราธิโปติ ฯ
สํวรชาตกํ อฏฺฐมํ ฯ
___________
๙ สุปฺปารกชาตกํ
[๑๕๘๘] อุมฺมุชฺชนฺติ นิมุชฺชนฺติ มนุสฺสา ขุรนาสิกา #๑ ยุ. เตสุ ฯ ๒ สี. ยุ. นิพทฺธํ ฯ ๓ สี. ยุ. จาปิ ฯ