[๑๕๑๐] คนฺธารราชสฺส ปุรมฺหิ รมฺเม

อวสิมฺหเส ตกฺกสิลาย เทว

ตตฺถนฺธการมฺหิ ติมิสฺสกายํ ๑

อํเสน อํสํ สมฆฏฺฏยิมฺหา

เต ตตฺถ ฐตฺวาน อุโภ ชนินฺท

สาราณิยํ วีติสาริมฺห ๒ ตตฺถ

สาเยว โน สงฺคติมตฺตมาสิ

ตโต น ปจฺฉา น ปุเร กทาจิ ๓ ฯ

[๑๕๑๑] ยทากทาจิ มนุเชสุ พฺรเหฺม

สมาคโม สปฺปุริเสน โหติ

น ปณฺฑิตา สงฺคติสนฺถวานิ

ปุพฺเพ กตํ วาปิ วินาสยนฺติ ฯ

[๑๕๑๒] พาลา จ โข สงฺคติสนฺถวานิ

ปุพฺเพ กตํ วาปิ วินาสยนฺติ

พหหปิ พาเลสุ กตํ วินสฺสติ

ตถาหิ พาลา อกตญฺญุรูปา ฯ

[๑๕๑๓] ธีรา จ โข สงฺคติสนฺถวานิ

ปุพฺเพ กตํ วาปิ น นาสยนฺติ

อปฺปํปิ ธีเรสุ กตํ น นสฺสติ

ตถาหิ ธีรา สุกตญฺญุรูปา

#๑ ม. ติมีสิกายํ ฯ ๒ ม. วีติสารยิมฺห ฯ ๓ ม. อโหสิ ฯ