พลญฺจ วณฺโณ จ อนปฺปรูโป ๑ ฯ

[๑๒๗๗] น อณฺณเว สนฺติ ผลานิ ธงฺก

มํสํ กุโต ขาทิตุํ จกฺกวาเก

เสวาลภกฺขมฺห อปาณโภชนา

(น ฆาสเหตุปิ กโรม ปาปํ)

อภีตรูปา วิจราม อณฺณเว ๒ ฯ

[๑๒๗๘] น เม อิทํ รุจฺจติ จกฺกวาเก ๓

อสฺมึ ภเว โภชนสนฺนิกาโส

อโหสิ ปุพฺเพ ตโต เม อญฺญถา

อิจฺเจว เม วิมติ เอตฺถ ชาตา ฯ

[๑๒๗๙] อหมฺปิ มํสานิ ผลานิ ภุญฺเช

อนฺนานิ จ โลณิกเตลิกานิ

รสํ มนุสฺเสสุ ลภามิ โภตฺตุํ

สูโรว สงฺคามมุขํ วิเชตฺวา

น จ เม ตาทิโส วณฺโณ จกฺกวาก ยถา ตว ฯ

[๑๒๘๐] อสุทฺธภกฺโขสิ ขณานุปาตี

กิจฺเฉน เต ลพฺภติ อนฺนปานํ

น ตุสฺสสิ รุกฺขผเลหิ ธงฺก

มํสานิ วา ยานิ สุสานมชฺเฌ ฯ

[๑๒๘๑] โย สาหเสน อธิคมฺม โภเค

#๑ ม. อนปฺปรูปา ฯ ๒ ม. อิเม ปาฐา นตฺถิ ฯ ๓ ม. จกฺกาวาก ฯ