กายสฺส เภทา อภิสมฺปรายํ

อสํสยํ โส นิรยํ อุเปติ ๑ ฯ

[๑๔๐๖] โย มาตรํ วา ปิตรํ สวิฏฺฐ

อนฺเนน ปาเนน อุปฏฺฐหาติ

กายสฺส เภทา อภิสมฺปรายํ

อสํสยํ โส สุคตึ อุเปติ ฯ

[๑๔๐๗] น เม ตฺวํ ปุตฺต อหิตานุกมฺปี

หิตานุกมฺปี เม ตฺวํสิ ปุตฺต

อหญฺจ เต ๒ มาตรา วุจฺจมาโน

เอตาทิสํ กมฺม กโรมิ ลุทฺทํ ฯ

[๑๔๐๘] ยา เต สา ภริยา อนริยรูปา

มาตา มเมสา สกิยา ๓ ชเนตฺติ

นิทฺธาปเย ตญฺจ สกา อคารา

อญฺญมฺปิ เต สา ทุขมาวเหยฺย ฯ

[๑๔๐๙] ยา เต สา ภริยา อนริยรูปา

มาตา มเมสา สกิยา ๓ ชเนตฺติ

ทนฺตา กเรณูว วสูปนีตา

สา ปาปธมฺมา ปุนราวชาตูติ ฯ

ตกฺกลชาตกํ อฏฺฐมํ ฯ

#๑ สี. ยุ. ปเรติ ฯ ๒ ม. ตํ ฯ ๓ ม. ชาติยา ฯ