[๑๒๒๒] อฏฺฐิจฺฉินฺนา ปาณหรา ควาสฺสธนหาริโน

รฏฺฐํ วิลุมฺปมานานํ เตสมฺปิ โหติ สงฺคติ

กสฺมา ตุมฺหากํ โน สิยา ฯ

[๑๒๒๓] สเจ ลเภถ นิปกํ สหายํ

สทฺธิญฺจรํ สาธุวิหาริ ธีรํ

อภิภุยฺย สพฺพานิ ปริสฺสยานิ

จเรยฺย เตนตฺตมโน สติมา ฯ

[๑๒๒๔] โน เจ ลเภถ นิปกํ สหายํ

สทฺธิญฺจรํ สาธุวิหาริ ธีรํ

ราชาว รฏฺฐํ วิชิตํ ปหาย

เอโก จเร มาตงฺครญฺเญว นาโค ฯ

[๑๒๒๕] เอกสฺส จริตํ เสยฺโย นตฺถิ พาเล สหายตา

เอโก จเร น จ ๑ ปาปานิ กยิรา

อปฺโปสฺสุกฺโก มาตงฺครญฺเญว นาโคติ ฯ

โกสมฺพิยชาตกํ ทุติยํ ฯ

____________

๓ มหาสุวราชชาตกํ

[๑๒๒๖] ทุโม ยทา โหติ ผลูปปนฺโน

ภุญฺชนฺติ นํ วิหงฺคมา ๒ สมฺปตนฺตา

ขีณนฺติ ญตฺวาน ทุมํ ผลจฺจเย

#๑ ม. จสทฺโท นตฺถิ ฯ ๒ สี. ยุ. วิหคา ฯ เอวมุปริปิ ฯ