๓ อฑฺฒวคฺโค
๑ ทีฆีติโกสลชาตกํ
[๘๐๓] เอวํ ภูตสฺส เต ราช อาคตสฺส วเส ๑ มม
อตฺถิ นุ โกจิ ปริยาโย โย ตํ ทุกฺขา ปโมจเย ฯ
[๘๐๔] เอวมฺภูตสฺส เม ตาต อาคตสฺส วเส ตว
นตฺถิ โน โกจิ ปริยาโย โย มํ ทุกฺขา ปโมจเย ฯ
[๘๐๕] นาญฺญํ สุจริตํ ราช นาญฺญํ ราช สุภาสิตํ
ตายเต มรณกาเล เอวเมวิตรํ ธนํ ฯ
[๘๐๖] อกฺโกจฺฉิ มํ อวธิ มํ อชินิ มํ อหาสิ เม
เย จ ตํ อุปนยฺหนฺติ เวรํ เตสํ น สมฺมติ
อกฺโกจฺฉิ มํ อวธิ มํ อชินิ มํ อหาสิ เม
เย จ ตํ นูปนยฺหนฺติ เวรํ เตสูปสมฺมติ ฯ
[๘๐๗] น หิ เวเรน เวรานิ สมฺมนฺตีธ กุทาจนํ
อเวเรน จ สมฺมนฺติ เอส ธมฺโม สนนฺตโนติ ฯ
ทีฆีติโกสลชาตกํ ปฐมํ ฯ
____________
๒ มิคโปตกชาตกํ
[๘๐๘] อคารา ปจฺจุเปตสฺส อนาคารสฺส เต สโต
สมณสฺส น ตํ สาธุ ยํ เปตมนุโสจสิ ฯ
[๘๐๙] สํวาเสน หเว สกฺก มนุสฺสสฺส มิคสฺส วา # ๑ ยุ. วโส ฯ