สพฺเพว สทิสา โหนฺติ อยํ โก นาม ปพฺพโต ฯ

[๘๕๑] อิมํ เนรุนฺติ ๑ ชานนฺติ มนุสฺสา ปพฺพตุตฺตมํ

อิธ วณฺเณน สมฺปนฺนา วสนฺติ สพฺพปาณิโน ฯ

[๘๕๒] อมานนา ยตฺถ สิยา สนฺตานํ วา วิมานนา

หีนสมฺมานนา วาปิ น ตตฺถ วสตี ๒ วเส ฯ

[๘๕๓] ยตฺถ อลโส จ ทกฺโข จ สูโร ภีรุ จ ปูชิยา

น ตตฺถ สนฺโต วสนฺติ อวิเสสกเร นเค ๓ ฯ

[๘๕๔] นายํ เนรุ วิภชติ หีนอุกฺกฏฺฐมชฺฌิเม

อวิเสสกโร เนรุ หนฺท เนรุํ ชหามเสติ ฯ

เนรุชาตกํ จตุตฺถํ ฯ

___________

๕ อาสงฺกชาตกํ

[๘๕๕] อาสาวตี นาม ลตา ชาตา จิตฺตลตาวเน

ตสฺสา วสฺสสหสฺเสน เอกํ นิพฺพตฺตเต ผลํ ฯ

[๘๕๖] ตํ เทวา ปยิรุปาสนฺติ ตาว ทูรผเล สติ ๔

อาสึเสว ๕ ตุวํ ราช อาสา ผลวตี สุขา ฯ

[๘๕๗] อาสึสเถว ๖ โส ปกฺขี อาสึสเถว โส ทิโช

ตสฺเสวาสา สมิชฺฌตฺถ ๗ ตาว ทูรคตา สติ

อาสึเสว ตุวํ ราช อาสา ผลวตี สุขา ฯ

[๘๕๘] สมฺเปสิ โข มํ วาจาย น จ สมฺเปสิ กมฺมุนา #๑ ม. เนรูติ ฯ ๒ ม. วสตึ วเส ฯ ยุ. วส ทิวเส ฯ ๓ ม. นเร ฯ ๔ ม. ทูรผลํ สตึ ฯ #๕ ม. อาสีเสว ฯ ๖ ม. อาสีสเถว ฯ เอวมุปริปิ ฯ ๗ ม. ตสฺส จาสา สมิชฺฌติ ฯ