๓ กลฺยาณธมฺมวคฺโค ๑

๑ กลฺยาณธมฺมชาตกํ

[๑๙๑] กลฺยาณธมฺโมติ ยทา ชนินฺท

โลเก สมญฺญํ อนุปาปุณาติ

ตสฺมา น หิยฺเยถ นโร สปญฺโญ

หิริยาปิ สนฺโต ธุรมาทิยนฺติ ฯ

[๑๙๒] สายํ สมญฺญา อิธ มชฺช ปตฺตา

กลฺยาณธมฺโมติ ชนินฺท โลเก

ตาหํ สเมกฺขํ อิธ ปพฺพชิสฺสํ

น หิ มตฺถิ ฉนฺโท อิธ กามโภเคติ ฯ

กลฺยาณธมฺมชาตกํ ปฐมํ ฯ

____________

๒ ททฺทรชาตกํ

[๑๙๓] โก นุ สทฺเทน มหตา อภินาเทติ ททฺทรํ

ตํ ๒ สีหา นปฺปฏินทนฺติ โก นาเมโส มิคาภิภู ๓ ฯ

[๑๙๔] อธโม มิคชาตานํ สิคาโล ตาต วสฺสติ

ชาติมสฺส ชิคุจฺฉนฺตา ตุณฺหี สีหา สมจฺฉเรติ ฯ

ททฺทรชาตกํ ทุติยํ ฯ

___________

#๑ ม. กลฺยาณวคฺโค ฯ ๒ สี. ยุ. กึ ฯ ๓ สี. ม. มิคาธิภู ฯ