ปญฺจกนิปาตชาตกํ

๑ มณิกุณฺฑลวคฺโค

๑ มณิกุณฺฑลชาตกํ

[๗๐๒] ชินฺโน รฏฺฐสฺสมณิกุณฺฑเล จ ๑

ปุตฺเต จ ทาเร จ ตเถว ชินฺโน ๒

สพฺเพสุ โภเคสุ อเสสเกสุ ๓

กสฺมา น สนฺตปฺปสิ โสกกาเล ฯ

[๗๐๓] ปุพฺเพว มจฺจํ วิชหนฺติ โภคา

มจฺโจ วา เต ๔ ปุพฺพตรํ ชหาติ

อสสฺสตา โภคิโน กามกามิ

ตสฺมา น โสจามหํ โสกกาเล ฯ

[๗๐๔] อุเทติ ปูเรติ ขียติ ๕ จนฺโท

อตฺถงฺคเมตฺวาน ๖ ปเลติ สูริโย

วิชิตา ๗ มยา สตฺตุก โลกธมฺมา

ตสฺมา น โสจามหํ โสกกาเล ฯ

[๗๐๕] อลโส คิหี กามโภคี น สาธุ

#๑ สี. ม. ชีโน รถสฺสํ มณิกุณฺฑเล จ ฯ ๒ ม. ชีโน ฯ ๓ สี. ยุ. อเสสิเตสุ ฯ #๔ ยุ. จ เน ฯ ๕ สี. ม. อาปูเรติ เวติ ฯ ๖ สี. ม. อตฺถํ ตเปตฺวาน ฯ #๗ สี. ม. วิทิตา ฯ