เต เตวทานิ สุขิตา ภวนฺติ ฯ

สุณิสา หิ มยฺหํ วชฺฌา อโหสิ

สา มํ วธิตฺวาน วิชายิ ปุตฺตํ

สาทานิ สพฺพสฺส กุลสฺส อิสฺสรา

อหํ วสามิ ๑ อปวิฏฺฐา เอกิกา ฯ

[๑๑๒๕] ชีวามิ โวหํ น มโตหมสฺมิ ๒

ตเวว อตฺถาย อิธาคโตสฺมิ

ยา ตํ วธิตฺวาน วิชายิ ปุตฺตํ

สหาว ปุตฺเตน กโรมิ ภสฺมํ ฯ

[๑๑๒๖] เอวญฺจ เต รุจฺจติ เทวราช

มเมว อตฺถาย อิธาคโตสิ

อหญฺจ ปุตฺโต สุณิสา จ นตฺตา

สมฺโมทมานา ฆรมาวเสม ฯ

[๑๑๒๗] เอวญฺจ เต รุจฺจติ กาติยานิ

หตาปิ สนฺตา น ชหาสิ ธมฺมํ

ตุวญฺจ ปุตฺโต สุณิสา จ นตฺตา

สมฺโมทมานา ฆรมาวเสถ ฯ

[๑๑๒๘] สา กาติยานี สุณิสาย สทฺธึ

สมฺโมทมานา ฆรมาวสิตฺถ

#๑ สี. ม. ปนมฺหิ ฯ ๒ สี. ยุ. นาหํ มโตสฺมิ ฯ