ตสา วกา เอฬกานํ ภยา หิ

วิปริยาโย วตฺตติ นยิธมตฺถีติ ฯ

มหาสุปินชาตกํ สตฺตมํ ฯ

____________

๘ อิลฺลีสชาตกํ

[๗๘] อุโภ ขญฺชา อุโภ กุณี อุโภ วิสมจกฺขุกา

อุภินฺนํ ปิฬกา ชาตา นาหํ ปสฺสามิ อิลฺลิสนฺติ ฯ

อิลฺลีสชาตกํ อฏฺฐมํ ฯ

___________

๙ ขรสฺสรชาตกํ

[๗๙] ยโต วิลุตฺตา จ หตา จ คาโว

ทฑฺฒานิ เคหานิ ชโน จ นีโต

อถาคมา ปุตฺตหตาย ปุตฺโต

ขรสฺสรํ เทณฺฑิมํ ๑ วาทยนฺโตติ ฯ

ขรสฺสรชาตกํ นวมํ ฯ

___________

๑๐ ภีมเสนชาตกํ

[๘๐] ยนฺเต ปวิกตฺถิตํ ปุเร

อถ เต ปูติสรา สชนฺติ ปจฺฉา

#๑ ม. ฑิณฺฑิมํ ฯ