ตสฺส มูลํ คเวสิสฺสํ เฉชฺชํ ราคํ สพนฺธนํ ฯ

[๑๒๗๓] ธิรตฺถุ กาเม สุพหูปิ โลเก

ตโปว เสยฺโย กามคุเณหิ ราช

ตโป กริสฺสามิ ปหาย กาเม

ตเวว รฏฺฐํ จนฺทวตี จ โหตูติ ฯ

โลมสกสฺสปชาตกํ สตฺตมํ ฯ

____________

๘ จกฺกวากชาตกํ

[๑๒๗๔] กาสายวตฺเถ สกุเณ วทามิ

ทุเว ทุเว นนฺทมเน ๑ จรนฺเต

กํ อณฺฑชํ อณฺฑชมานุเสสุ

ชาตึ ปสํสนฺติ ตทิงฺฆ พฺรูถ ฯ

[๑๒๗๕] อเมฺห มนุสฺเสสุ มนุสฺสหึส

อนุพฺพเต จกฺกวาเก วทนฺติ

กลฺยาณภาวเมฺห ทิเชสุ สมฺมตา

(อภีตรูปา ๒ วิจราม อณฺณเว)

น ฆาสเหตุปิ กโรม ปาปํ ๓ ฯ

[๑๒๗๖] กึ อณฺณเว กานิ ผลานิ ภุญฺเช

มํสํ กุโต ขาทถ จกฺกวากา

กึ โภชนํ ภุญฺชถ โว อโนมา

#๑ สี. ยุ. นนฺทิมเน ฯ ๒ ม. อภิรูปา ฯ ๓ ม. อิเม ปาฐา นตฺถิ ฯ