มาหํ กุเล อนฺติมคนฺธินี อหุํ
เอตสฺส วาทสฺส ชิคุจฺฉมานา
อกามิกา ปฏฺฐจรามิ ๑ ตุยฺหํ ฯ
[๑๓๘๙] มณฺฑพฺย ภาสิสฺสํ อภาสเนยฺยํ ๒
ตํ ขมฺยตํ ปุตฺตเหตุ มมชฺช ๓
ปุตฺตเปมา นยิธ ปรตฺถิ กิญฺจิ
โส โน อยํ ชีวติ ยญฺญทตฺโตติ ฯ
มณฺฑพฺยชาตกํ ฉฏฺฐํ ฯ
____________
๗ นิโคฺรธชาตกํ
[๑๓๙๐] น วาหเมตํ ๔ ชานามิ โกวายํ กสฺส จาริ วา ๕-
ยถา สาโข วทิ ๖ เอวํ นิโคฺรธ กินฺติ มญฺญสิ ฯ
[๑๓๙๑] ตโต คลวินีเตน ปุริสา นีหรึสุ มํ
ทตฺวา มุขปฺปหารานิ สาขสฺส วจนํ กรา ฯ
[๑๓๙๒] เอตาทิสํ ทุมฺมตินา อกตญฺเญน ๗ ทุพฺภินา
กตํ อนริยํ สาเขน สขินา เต ชนาธิป ฯ
[๑๓๙๓] น วาหเมตํ ชานามิ นปิ เม โกจิ สํสติ
ยํ เม ตฺวํ สมฺม อกฺขาสิ สาเขน กฑฺฒนํ ๘ กตํ ฯ #๑ สี. พทฺธจรามิ ฯ ม. ปทฺธจรามฺหิ ฯ ๒ ม. มณฺฑพฺย ภาสึ ยมภาสเนยฺยํ ฯ #๓ ม. ปุตฺตกเหตุ มชฺช ฯ ๔ สี. จาหเมตํ ฯ ๕ ม. วาติ วา ฯ ๖ ม. จริ ฯ #๗ ม. อกตญฺญุน ฯ ๘ ม. การณํ ฯ