ทิพฺโพ จ วณฺโณ วิปุลา จ โภคา ฯ

[๑๕๓๕] กึสูธ ภีตา ชนตา อเนกา

มคฺโค จ เนกายตนปฺปวุตฺโต

ปุจฺฉามิ ตํ ยกฺข มหานุภาว

กตฺถ ฐิโต ปรโลกํ น ภาเย ฯ

[๑๕๓๖] วาจํ มนญฺจ ปณิธาย สมฺมา

กาเยน ปาปานิ อกุพฺพมาโน

พหุนฺนปานํ ฆรมาวสนฺโต

สทฺโธ มุทู สํวิภาคี วทญฺญู

สงฺคาหโก สขิโล สณฺหวาโจ

เอตฺถ ฐิโต ปรโลกํ น ภาเย ฯ

[๑๕๓๗] อนุสาสสิ มํ ยกฺข ยถา มาตา ยถา ปิตา

อุฬารวณฺณ ปุจฺฉามิ โก นุ ตฺวมสิ สุพฺรหา ฯ

[๑๕๓๘] อุทโยหมสฺมิ กลฺยาณิ สงฺกรตฺถายิธาคโต ๑

อามนฺต โข ตํ คจฺฉามิ มุตฺโตสฺมิ ตว สงฺกรา ฯ

[๑๕๓๙] สเจ โข ตฺวํ อุทโยสิ สงฺกรตฺถายิธาคโต ๑

อนุสาส มํ ราชปุตฺต ยถาสฺส ปุน สงฺคโม ฯ

[๑๕๔๐] อติปตติ ๒ วโย ขโณ ตเถว

ฐานํ นตฺถิ ธุวํ จวนฺติ สตฺตา

ปริชียติ อธุวํ สรีรํ

#๑ ม. สงฺกรตฺตา อิธาคโต ฯ สี. ยุ. สงฺกรตฺถา อิธาคโต ฯ ๒ สี. ยุ. อธิปตตี ฯ