หนามิ ตํ มิตฺตทุพฺภึ อกิจฺจการึ

โย ตาทิสํ กมฺมกตํ น ชาเน ฯ

[๑๘๔๘] ธีรสฺส พาลสฺส หเว ชนินฺท

สนฺโต วธํ นปฺปสํสนฺติ ชาตุ

กามํ ฆรํ คจฺฉตุ ปาปธมฺโม

ยญฺจสฺส ภตฺตํ ตเทตสฺส เทหิ

อหญฺจ เต กามกโร ภวามิ ฯ

[๑๘๔๙] อทฺธา รุรุ อญฺญตโร สตํ โส

โย ทุพฺภิโน ๑ มานุสสฺส น ทุพฺภี

กามํ ฆรํ คจฺฉตุ ปาปธมฺโม

ยญฺจสฺส ภตฺตํ ตเทตสฺส ทมฺมิ

อหญฺจ เต คามวรํ ททามิ ฯ

[๑๘๕๐] สุวิชานํ สิคาลานํ สกุนฺตานญฺจ วสฺสิตํ

มนุสฺสวสฺสิตํ ราช ทุพฺพิชานตรํ ตโต

อปิ เจ มญฺญตี โปโส ญาติ มิตฺโต สขาติ วา

โย ปุพฺเพ สุมโน หุตฺวา ปจฺฉา สมฺปชฺชเต ทิโส ฯ

[๑๘๕๑] สมาคตา ชานปทา เนคมา จ สมาคตา

มิคา ธญฺญานิ ๒ ขาทนฺติ ตํ เทโว ปฏิเสธตุ ฯ

[๑๘๕๒] กามํ ชนปโท มาสิ รฏฺฐญฺจาปิ วินสฺสตุ

น เตฺววาหํ รุรุํ ทุพฺเภ ทตฺวา อภย ปกฺขินํ ฯ #๑ ม. ทุพฺภโต ฯ ยุ. ทูภโต ฯ ๒ ม. สสฺสานิ ฯ