อินฺทโคปกสญฺฉนฺนา เอตฺเถโส ติฏฺฐติ มิโค ฯ
[๑๘๔๒] ธนน อเทฺวชฺฌํ กตฺวาน อุสุํ สนฺนยฺหุปาคมิ ๑
มิโค จ ทิสฺวา ราชานํ ทูรโต อชฺฌภาสถ
อาคเมหิ มหาราช มา มํ วิชฺฌิ รเถสภ
โก นุ เต อิทมกฺขาสิ เอตฺเถโส ติฏฺฐติ มิโค ฯ
[๑๘๔๓] เอส ปาปจโร โปโส สมฺม ติฏฺฐติ อารกา
โส หิ ๒ เม อิทมกฺขาสิ เอตฺเถโส ติฏฺฐติ มิโค ฯ
[๑๘๔๔] สจฺจํ กิเรวมาหํสุ นรา เอกจฺจิยา อิธ
กฏฺฐํ นิปาวตํ ๓ เสยฺโย น เตฺวเวกจฺจิโย นโร ฯ
[๑๘๔๕] กินฺนุ รุรุ ครหสิ มิคานํ
กึ ปกฺขินํ กึ ปน มานุสานํ
ภยํ หิ มํ วินฺทตินปฺปรูปํ
สุตฺวาน ตํ มานุสิ ๔ ภาสมานํ ฯ
[๑๘๔๖] ยมุทฺธรึ วาหเน วุยฺหมานํ
มโหทเก สลิเล สีฆโสเต
ตโตนิทานํ ภยมาคตํ มม
ทุกฺโข หเว ราช อสพฺภิ สงฺคโม ฯ
[๑๘๔๗] โสหํ จตุปฺปตฺตมิมํ วิหงฺคมํ
ตนุจฺฉิทํ หทเย โอสชฺชามิ
#๑ สี. ยุ. สนฺธายุปาคมิ ฯ ๒ ม. โส ยํ ฯ ๓ สี. วิปลาวิตํ ฯ ม. นิปฺลวิตํ ฯ #๔ ม. มานุสี ฯ