มาโน มมํ มา ปุนราคมาสีติ ฯ

ปญฺจุโปสถิกชาตกํ สตฺตมํ ฯ

___________

๘ มหาโมรชาตกํ

[๑๙๖๑] สเจ หิ ตฺยาหํ ธนเหตุ คหิโต ๑

มา มํ อวธิ ชีวคาหํ คเหตฺวา

รญฺโญ จ ๒ มํ สมฺม อุปนฺติ ๓ เนหิ

มญฺเญ ธนํ ลจฺฉสินปฺปรูปํ ฯถ

[๑๙๖๒] น เม อยํ ตุยฺห วธาย อชฺช

สมาหิโต จาปวโร ๔ ขุรปฺโป

ปาสญฺจ ตฺยาหํ อธิปาตยิสฺสํ

ยถาสุขํ คจฺฉตุ โมรราชา ฯ

[๑๙๖๓] ยํ สตฺต วสฺสานิ มมานุพนฺธิ

รตฺตินฺทิวํ ขุปฺปิปาสํ สหนฺโต

อถ กิสฺส มํ ปาสวสูปนีตํ

ปมุตฺตเว อิจฺฉสิ พนฺธนสฺมา ฯ

ปาณาติปาตา วิรโต นุสชฺช

อภยนฺนุ เต สพฺพภูเตสุ ทินฺนํ

ยํ มํ ตุวํ ปาสวสูปนีตํ

#๑ ม. คาหิโต ฯ ๒ สี. ยุ. ว ฯ ๓ ม. อุปนฺติกํ ฯ ๔ ถามธนูติปิ ปาโฐ ฯ สี. #จาปวเร ฯ ม. จาปธุเร ฯ