๑๐ พนฺธนโมกฺขชาตกํ

[๑๒๐] อพทฺธา ตตฺถ พชฺฌนฺติ ยตฺถ พาลา ปภาสเร

พทฺธาปิ ตตฺถ มุจฺจนฺติ ยตฺถ ธีรา ปภาสเรติ ฯ

พนฺธนโมกฺขชาตกํ ทสมํ ฯ

หํสิวคฺโค ทฺวาทสโม ฯ

___________

ตสฺสุทฺทานํ

อถ คทฺรภ สตฺตุว กํสสตํ

พหุจินฺติ สาสิกายาติกร

อติเวล วิเสุํ มนาจริโยว

ธีรา ปภาสรเตน ทส ฯ

___________

๑๓ กุสนาฬิวคฺโค

๑ กุสนาฬิชาตกํ

[๑๒๑] กเร สริกฺโข อถวาปิ เสฏฺโฐ

นิหีนโก วาปิ กเรยฺย เอโก

กเรยฺยุเมเต ๑ พฺยสเน อุตฺตมตฺถํ

ยถา อหํ กุสนาฬิ รุจายนฺติ ฯ

กุสนาฬิชาตกํ ปฐมํ ฯ

___________

#๑ สี. ยุ. กเรยฺยุํ เต ฯ