๖ เทวธมฺมชาตกํ
[๖] หิริโอตฺตปฺปสมฺปนฺนา สุกฺกธมฺมสมาหิตา
สนฺโต สปฺปุริสา โลเก เทวธมฺมาติ วุจฺจเรติ ฯ
เทวธมฺมชาตกํ ฉฏฺฐํ ฯ
__________
๗ กฏฺฐหาริชาตกํ ๑
[๗] ปุตฺโต ตฺยาหํ มหาราช ตฺวํ มํ โปส ชนาธิป
อญฺเญปิ เทโว โปเสติ กิญฺจ เทโว สกํ ปชนฺติ ฯ
กฏฺฐหาริชาตกํ สตฺตมํ ฯ
___________
๘ คามนิชาตกํ
[๘] อปิ อตรมานานํ ผลาสาว สมิชฺฌติ
วิปกฺกพฺรหฺมจริโยสฺมิ เอวํ ชานาหิ คามนีติ ฯ
คามนิชาตกํ อฏฺฐมํ ฯ
___________
๙ มฆเทวชาตกํ ๒
[๙] อุตฺตมงฺครุหา มยฺหํ อิเม ชาตา วโยหรา
ปาตุภูตา เทวทูตา ปพฺพชฺชาสมโย มมาติ ฯ
มฆเทวชาตกํ นวมํ ฯ
#๑ โป. กฏฺฐวาหนชาตกํ ฯ ๒ โป. เทวทูตชาตกํ ฯ