กถํ นุ เต ตา ภวิสฺสนฺติ ฯ

[๒๕๒๑] ปญฺญายิหินฺติ เอตา ทหรา

อญฺญํปิ ตา คมิสฺสนฺติ

สคฺคญฺจ ๑ ปตฺถยาโน

เตนาหํ ปพฺพชิสฺสามิ ฯ

[๒๕๒๒] ทุลฺลทฺธํ เม อาสิ สุตโสม

ยสฺส เต โหมหํ มาตา

ยํ เม วิลปนฺติยา

อนเปกฺโข ปพฺพชสิ เทว ฯ

ทุลฺลทฺธํ เม อาสิ สุตโสม

ยํ ตํ อหํ วิชายิสฺสํ

ยํ เม วิลปนฺติยา

อนเปกฺโข ปพฺพชสิ เทว ฯ

[๒๕๒๓] โก นาเมโส ธมฺโม สุตโสม

กา จ นาม ปพฺพชฺชา

ยํ โน อเมฺห ชิณฺเณ ปหาย

อนเปกฺโข ปพฺพชสิ เทว ฯ

[๒๕๒๔] ปุตฺตาปิ ตุยฺหํ พหโว

ทหรา อปฺปตฺตโยพฺพนา

มญฺชู เตปิ ตํ อปสฺสนฺตา

#๑ ม. สคฺคํ จสฺส ฯ