มญฺเญ ทุกฺขํ นิคจฺฉนฺติ ฯ

[๒๕๒๕] ปุตฺเตหิ จ เม เอเตหิ

ทหเรหิ อปฺปตฺตโยพฺพเนหิ

มญฺชูหิ สพฺเพหิปิ ตุเมฺหหิ

จิรํปิ ฐตฺวา วินาภาโว ๑ ฯ

[๒๕๒๖] ฉินฺนํ นุ ตุยฺหํ หทยํ

อาทู ๒ กรุณา จ นตฺถิ อเมฺหสุ

ยํ โน วิกนฺทนฺติโย

อนเปกฺโข ปพฺพชสิ เทว ฯ

[๒๕๒๗] น จ มยฺหํ ฉินฺนํ หทยํ

อตฺถิ กรุณาปิ มยฺหํ ตุเมฺหสุ

สคฺคญฺจ ปตฺถยมาโน

เตนาหํ ปพฺพชิสฺสามิ ฯ

[๒๕๒๘] ทุลฺลทฺธํ เม อาสิ สุตโสม

ยสฺส เต อหํ ภริยา

ยํ เม วิลปนฺติยา

อนเปกฺโข ปพฺพชสิ เทว ฯ

ทุลฺลทฺธํ เม อาสิ สุตโสม

ยสฺส เต อหํ ภริยา

ยํ เม กุจฺฉิปฏิสนฺธึ ๓

#๑ ม. วินาสภาโว ฯ ๒ ม. อทุ เต ฯ ๓ ยุ. ยํ มํ กุจฺฉิมตึ สนฺตึ ฯ