Itthī ca tiracchānagato ca ubhinnaṁ vematiko …pe… paṇḍakasaññī … purisasaññī … tiracchānagatasaññī sāratto ca. Bhikkhu ca naṁ ubhinnaṁ kāyena kāyaṁ āmasati parāmasati …pe… gaṇhāti chupati, āpatti thullaccayena dukkaṭassa. Paṇḍako ca puriso ca ubhinnaṁ paṇḍakasaññī sāratto ca. Bhikkhu ca naṁ ubhinnaṁ kāyena kāyaṁ āmasati parāmasati …pe… gaṇhāti chupati, āpatti thullaccayena dukkaṭassa. Paṇḍako ca puriso ca ubhinnaṁ vematiko …pe… purisasaññī … tiracchānagatasaññī … itthisaññī sāratto ca. Bhikkhu ca naṁ ubhinnaṁ kāyena kāyaṁ āmasati parāmasati …pe… gaṇhāti chupati, āpatti dvinnaṁ dukkaṭānaṁ. Paṇḍako ca tiracchānagato ca ubhinnaṁ paṇḍakasaññī sāratto ca. Bhikkhu ca naṁ ubhinnaṁ kāyena kāyaṁ āmasati parāmasati …pe… gaṇhāti chupati, āpatti thullaccayena dukkaṭassa.