Attanā vippakataṁ attanā pariyosāpeti, āpatti saṅghādisesassa. Attanā vippakataṁ parehi pariyosāpeti, āpatti saṅghādisesassa. Parehi vippakataṁ attanā pariyosāpeti, āpatti saṅghādisesassa. Parehi vippakataṁ parehi pariyosāpeti, āpatti saṅghādisesassa. Anāpatti— leṇe guhāya tiṇakuṭikāya aññassatthāya vāsāgāraṁ ṭhapetvā sabbattha anāpatti ummattakassa ādikammikassāti. Kuṭikārasikkhāpadaṁ niṭṭhitaṁ chaṭṭhaṁ. Theravāda Vinaya

7. Vihārakārasikkhāpada