Bhikkhu pācittiyaṁ …pe… pāṭidesanīyaṁ … dukkaṭaṁ … dubbhāsitaṁ ajjhāpajjanto diṭṭho hoti dubbhāsite dubbhāsitadiṭṭhi hoti …pe… dubbhāsite saṅghādisesadiṭṭhi hoti … thullaccayadiṭṭhi hoti … pācittiyadiṭṭhi hoti … pāṭidesanīyadiṭṭhi hoti … dukkaṭadiṭṭhi hoti. Tañce pārājikena codāpeti— “assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā”ti, evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa. Anāpatti— tathāsaññī codeti vā codāpeti vā, ummattakassa, ādikammikassāti. (Aññabhāgiya) Kiñcilesasikkhāpadaṁ niṭṭhitaṁ navamaṁ. Theravāda Vinaya

10. Saṅghabhedasikkhāpada