[๔๙๒] เอส อุปฺปลสนฺนาโห นิกฺขญฺจุสฺสีสเก กตํ ๑
กาสิกญฺจ มุทุํ วตฺถํ ตปฺเปตุ ธนกามิยาติ ๒
กามวิลาปชาตกํ สตฺตมํ ฯ
____________
๘ อุทุมฺพรชาตกํ
[๔๙๓] อุทุมฺพรา จิเม ปกฺกา นิโคฺรธา จ กปิตฺถนา
เอหิ นิกฺขมฺม ภุญฺชสฺสุ กึ ชิฆจฺฉาย มิยฺยสิ ฯ
[๔๙๔] เอวํ โส สุหิโต โหติ โย วุฑฺฒมปจายติ
ยถาหมชฺช สุหิโต ทุมปกฺกานิ มาสิโต ฯ
[๔๙๕] ยํ วเนโช วเนชสฺส วญฺเจยฺย กปิโน กปิ
ทหโรปิ น สทฺเธยฺย ๓ นหิ ชิณฺโณ ชรากปีติ ฯ
อุทุมฺพรชาตกํ อฏฺฐมํ ฯ
____________
๙ โกมาริยปุตฺตชาตกํ ๔
[๔๙๖] ปุเร ตุวํ สีลวตํ สกาเส
โอกฺกนฺทิกํ ๕ กีฬสิ อสฺสมมฺหิ
กโรหเร มกฺกฏิยานิ มกฺกฏ
น ตํ มยํ สีลวตํ รมาม ฯ
#๑ ม. ... นิกฺขญฺจุสฺสีสโกหิตํ ฯ ๒ ม. ธนิกา ปิยาติ ฯ ๓ ม. ทหโร กปิ สทฺเธยฺย ฯ #๔ ม. โกมารปุตฺต ... ฯ ๕ ม. โอกฺกนฺติกํ ฯ