Esa uppalasannāho, nikkhañcussīsakohitaṁ; Kāsikañca muduṁ vatthaṁ, tappetu dhanikā piyā”ti. Kāmavilāpajātakaṁ sattamaṁ. Tikanipāta Kumbhavagga

8. Udumbarajātaka

“Udumbarā cime pakkā, nigrodhā ca kapitthanā; Ehi nikkhama bhuñjassu, kiṁ jighacchāya miyyasi”. “Evaṁ so suhito hoti, yo vuḍḍhamapacāyati; Yathāhamajja suhito, dumapakkāni māsito”. “Yaṁ vanejo vanejassa, vañceyya kapino kapi; Daharo kapi saddheyya, na hi jiṇṇo jarākapī”ti. Udumbarajātakaṁ aṭṭhamaṁ. Tikanipāta Kumbhavagga

9. Komāraputtajātaka

“Pure tuvaṁ sīlavataṁ sakāse, Okkantikaṁ kīḷasi assamamhi; Karohare makkaṭiyāni makkaṭa, Na taṁ mayaṁ sīlavataṁ ramāma”.