เอส มคฺโค ยวมชฺฌกสฺส
เอตํ ฉนฺนปถํ วิชานาหีติ ฯ
อมราเทวีปโญฺห ทุติโย ฯ
____________
๓ สิคาลชาตกํ ๑
[๑๑๓] สทฺทหาสิ สิคาลสฺส สุราปิตสฺส พฺราหฺมณ
สิปฺปิกานํ สตํ นตฺถิ กุโต กํสสตา ทุเวติ ฯ
สิคาลชาตกํ ตติยํ ฯ
___________
๔ มิตจินฺติชาตกํ
[๑๑๔] พหุจินฺตี อปฺปจินฺตี จ ๒ อุโภ ชาเล อพชฺฌเร
มิตจินฺตี อโมเจสิ อุโภ ตตฺถ สมาคตาติ ฯ
มิตจินฺติชาตกํ จตุตฺถํ ฯ
____________
๕ อนุสาสิกชาตกํ ๓
[๑๑๕] ยายญฺญมนุสาสติ สยํ โลลุปฺปจารินี
สายํ วิปกฺขิกา เสติ หตา จกฺเกน สาลิกาติ ฯ
อนุสาสิกชาตกํ ปญฺจมํ ฯ
____________
#๑ ม สพฺพตฺถ สิงฺคาล ... ฯ ๒ ม. จสทฺโท นตฺถิ ฯ ๓ ม. โลลสาลิกชาตกํ ฯ