“Yena sattubilaṅgā ca, Diguṇapalāso ca pupphito; Yena dadāmi tena vadāmi, Yena na dadāmi na tena vadāmi; Esa maggo yavamajjhakassa, Etaṁ channapathaṁ vijānāhī”ti. Amarādevīpañhajātakaṁ dutiyaṁ. Ekakanipāta Haṁcivagga

3. Siṅgālajātaka

“Saddahāsi siṅgālassa, surāpītassa brāhmaṇa; Sippikānaṁ sataṁ natthi, kuto kaṁsasatā duve”ti. Siṅgālajātakaṁ tatiyaṁ. Ekakanipāta Haṁcivagga

4. Mitacintijātaka

“Bahucintī appacintī, ubho jāle abajjhare; Mitacintī pamocesī, ubho tattha samāgatā”ti. Mitacintijātakaṁ catutthaṁ. Ekakanipāta Haṁcivagga

5. Anusāsikajātaka

“Yāyañña manusāsati, sayaṁ loluppacārinī; Sāyaṁ vipakkhikā seti, hatā cakkena sāsikāti. Anusāsikajātakaṁ pañcamaṁ. Ekakanipāta Haṁcivagga

6. Dubbacajātaka