Nabhāvanāya pahātabbo dhammo nabhāvanāya pahātabbassa dhammassa kammapaccayena paccayo—sahajātā, nānākkhaṇikā. <b>Sahajātā</b>—nabhāvanāya pahātabbā cetanā sampayuttakānaṁ khandhānaṁ cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. <b>Nānākkhaṇikā</b>—nabhāvanāya pahātabbā cetanā vipākānaṁ khandhānaṁ kaṭattā ca rūpānaṁ kammapaccayena paccayo … vipākapaccayena paccayo … ekaṁ …pe… avigatapaccayena paccayo. (Sabbapaccayā dassanadukasadisā, bhāvanā ninnānākaraṇā.) 2.13.2.7.1. Paccayānulomādi Saṅkhyāvāra Suddha Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṁ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta. (Paccanīyavibhaṅgo dassanadukasadiso vibhajitabbo. Evaṁ tīṇi gaṇanāpi gaṇetabbā.) Bhāvanāyapahātabbadukaṁ niṭṭhitaṁ. 2.13.3. Paccayavāra 2.13.3.1. Paṭiccavāra 2.13.3.1.1. Paccayānuloma Vibhaṅgavāra Hetu