Upādāno dhammo upādānassa dhammassa atthipaccayena paccayo—diṭṭhupādānaṁ kāmupādānassa atthipaccayena paccayo. (Cakkaṁ.) Upādāno dhammo noupādānassa dhammassa atthipaccayena paccayo—sahajātaṁ, pacchājātaṁ. <b>Sahajātā</b>—upādānā sampayuttakānaṁ khandhānaṁ cittasamuṭṭhānānañca rūpānaṁ atthipaccayena paccayo. <b>Pacchājātā</b>—upādānā purejātassa imassa kāyassa atthipaccayena paccayo. Upādāno dhammo upādānassa ca noupādānassa ca dhammassa atthipaccayena paccayo. (Saṅkhittaṁ, paṭiccasadisaṁ.) Noupādāno dhammo noupādānassa dhammassa atthipaccayena paccayo—sahajātaṁ, purejātaṁ, pacchājātaṁ, āhāraṁ, indriyaṁ. (Saṅkhittaṁ, vitthāretabbaṁ.) Noupādāno dhammo upādānassa dhammassa atthipaccayena paccayo—sahajātaṁ, purejātaṁ. <b>Sahajātaṁ</b>—(Sahajātasadisaṁ.) <b>Purejātaṁ</b>—(Purejātasadisaṁ.) Noupādāno dhammo upādānassa ca noupādānassa ca dhammassa atthipaccayena paccayo—sahajātaṁ, purejātaṁ. (Saṅkhittaṁ, sahajātasadisaṁ sahajātaṁ vibhajitabbaṁ, purejātasadisaṁ purejātaṁ.) Upādāno ca noupādāno ca dhammā upādānassa dhammassa atthipaccayena paccayo— sahajātaṁ, purejātaṁ. <b>Sahajātaṁ</b>—diṭṭhupādānañca sampayuttakā ca khandhā kāmupādānassa atthipaccayena paccayo (cakkaṁ). <b>Sahajātaṁ</b>—diṭṭhupādānañca vatthu ca kāmupādānassa atthipaccayena paccayo. (Cakkaṁ.)