Akusalaṁ dhammaṁ saṁsaṭṭho akusalo dhammo uppajjati hetupaccayā—akusalaṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā. Abyākataṁ dhammaṁ saṁsaṭṭho abyākato dhammo uppajjati hetupaccayā— vipākābyākataṁ kiriyābyākataṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā; paṭisandhikkhaṇe vipākābyākataṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā. Ārammaṇādi Kusalaṁ dhammaṁ saṁsaṭṭho kusalo dhammo uppajjati ārammaṇapaccayā … adhipatipaccayā … (adhipati paṭisandhikkhaṇe natthi.) Anantarapaccayā … samanantarapaccayā … sahajātapaccayā … aññamaññapaccayā … nissayapaccayā … upanissayapaccayā. (Sabbāni padāni hetumūlakasadisāni.) Purejāta Kusalaṁ dhammaṁ saṁsaṭṭho kusalo dhammo uppajjati purejātapaccayā—kusalaṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā, vatthuṁ purejātapaccayā. Akusalaṁ dhammaṁ saṁsaṭṭho akusalo dhammo uppajjati purejātapaccayā—akusalaṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā; vatthuṁ purejātapaccayā.