Kusalaṁ dhammaṁ paṭicca kusalo dhammo uppajjati napacchājātapaccayā—kusalaṁ ekaṁ khandhaṁ paṭicca …pe…. Kusalaṁ dhammaṁ paṭicca kusalo dhammo uppajjati naāsevanapaccayā—kusalaṁ ekaṁ khandhaṁ paṭicca …pe…. (Napacchājātapaccayampi naāsevanapaccayampi naadhipatipaccayasadisaṁ.) Nakamma Kusalaṁ dhammaṁ paṭicca kusalo dhammo uppajjati nakammapaccayā—kusale khandhe paṭicca kusalā cetanā. Akusalaṁ dhammaṁ paṭicca akusalo dhammo uppajjati nakammapaccayā—akusale khandhe paṭicca akusalā cetanā. Abyākataṁ dhammaṁ paṭicca abyākato dhammo uppajjati nakammapaccayā— kiriyābyākate khandhe paṭicca kiriyābyākatā cetanā; bāhiraṁ … āhārasamuṭṭhānaṁ … utusamuṭṭhānaṁ ekaṁ mahābhūtaṁ paṭicca tayo mahābhūtā, tayo mahābhūte paṭicca ekaṁ mahābhūtaṁ, dve mahābhūte paṭicca dve mahābhūtā, mahābhūte paṭicca upādārūpaṁ. Navipāka Kusalaṁ dhammaṁ paṭicca kusalo dhammo uppajjati navipākapaccayā—kusalaṁ ekaṁ khandhaṁ paṭicca … tīṇi. Akusalaṁ dhammaṁ paṭicca akusalo dhammo uppajjati navipākapaccayā … tīṇi.